Hjiuri profumatu
(di Vincenzo Costa)
Giuvini bellu pijja lu mio cori
io fimmina d'ajari e puru d'oji
tu si patruni e servu di st'amuri
tu sulu abbatti tutti li duluri
zzappandu tiarri nescianu li hjiuri
trivuliandu passan 'i pinziari
pua t'abbicini e mi stringi allu pettu
ricordati stu cuari ch'esta schiettu
la luna adruscia puru ntra lu scuru
lu cori abbatta comm'a nu tamburu
n'aciadru chi abbola ntra lu cialu
l'amuri nostru è sempi chiù sinciaru
oi jiuri profumatu i primavera
carizza 'mmacuata e sincera
rivijja lu mio cori addurmentatu
e sbampa chiustu hjiuri 'nnamuratu.
Vico's
12/09/12
.jpg)