Amami Amuri
(di Vincenzo)
Amami amuri cuamu la terra allu suli
Mbrojja lu mali cu giusti paruali
Cumpessa alla notti li tristi pinziari
Ringrazia la sorti pi tia e li tua cari
Cumpagna di vita e sbintura
Anima ‘mpaurita e sicura
Rifriscu ‘ntjalla calura
Racina duci e matura
Chi mundu però chistu mundu
Chi sempi ti duna terruri
Cu fatica hai mu scavi profundu
‘ncerca di na nticchia d'amuri
Guardamu luntanu
Vidimu lu mari
La notti stellata
La timpesta passata
Ogn'ora chi passa ti criscia
Ogni attimu tristi svaniscia
ogn'ora passata a penzari
e a cercari sicuri ripari
diventanu attimi eterni di luci ncantata
chi tornanu e fujanu in ogni jornata
aiutanu puru a tirari a campari
e a non pirdiri la voggja di continuari a sperari.
10\2008
Vai alla pagina "Dialetto Fabriziese"
Quasto brano, ad aprile 2012, è stato tradotto in musica e cantato, dall'Associazione Liberi di sognare Fabrizia http://www.facebook.com/profile.php?id=100003784119790
(Wbm. M.Cirillo)
.jpg)